Ու....

Ու անէանալ գոյությունների մեջ,

Մոլորվել հստակ, բաց ճանապարհին,

Քնել`չարթնանալ լուսաբացին,

Խոսել լուռ ու ոչ մեկի հետ:

Համբուրվելիս չզգալ և ոչինչ,

Շքեղ հագուստի մեջ մերկանալ անվերջ,

Շարժվել կանգնած` կանգառը կորցրած

Տխուր հրճվել:

Տեսնել գարշելի շքեղությունը,

Մտնել պալատներ` բանտարկելով մեզ,

Գլուխը դնել ոսկեզօծ բարձին,

Տաքուկ քնեցնել կատաղի օձին:

Ու սիրել անսեր,

Ատել` սիրելով,

Երգել առանց ձայն,

Անաստված ապրել,

Հավատը կորցրած` սրտանց  աղոթել,

Ու շնչել մեռած: