Մարդիկ սիրում են նկարներ , պարզապես պետք է նկատեն դրանք…

…Սրանում համոզվեցի , երբ ձմռան սկզբի օրերին  իրականացրի փոքրիկ դիտում  Մ. Սարյանի այգում: Կար մտավախություն , որ նկարներով  հետաքրքրվողներ  քիչ կլինեն  ու մտավախությունս տեղին էր: Դիտման ժամանակ քչերն էին մոտենում, նայում նկարները, փորձում հասկանալ  բովանդակությունը, ինչը տխրեցրեց ինձ: Ուզում եմ ենթադրել, որ պատճառը  ձմեռային  ցուրտ եղանակն էր. ամեն դեպքում դա ինձ չխանգարեց  կազմակերպել դիտումը : Ինչ վերաբերում էր դիտման իրականացմանը, ապա կատարեցի այն: Ինձ հետաքրքրող հարցերի  պատասխանը ստացա իհարկե, բայց կատարվեց մի բան, որը նպատակ չունեի  ուսումնասիրելու, բացահայտելու, բայց որի համար հիմա ուրախ եմ : Դիտման ընթացքում մի միջադեպ տեղի ունեցավ ` շների կռիվ, որը  շատ այգիներում էի հանդիպել, բայց որը հիմք  հանդիսացավ ինձ համար նոր բացահայտումների :Կռվի ժամանակ   ընկավ և վնասվեց նկարներից մեկը:  Քանի դեռ   նկարիչը փորձում էր քշել շներին,  մոտեցավ մոտ 30 տարեկան երիտասարդ, որ դնի նկարը  տեղում: Երիտասարդը, որքանով հասկացա, չէր եկել նկարները  նայելու, այլ ուղղակի անցնում  էր այդ կողմով:Մի քիչ զարմացա,իհարկե,  որ մարդիկ անտարբեր չեն (ինչպես միշտ): Նա վերցրեց  նկարը, նայեց,  հետո սկսեց զննել մնացածը ու հետաքրքրվել դրանցով: Ես հասկացա, որ  շատ մարդկանց հետաքրքում են  նկարները և նրանք փնտրում, գտնում են դրանք, շատերին էլ հետաքրքրում են, մինչդեռ նրանք չեն գիտակցում, պարզապես անցնում են, գնում` տարված առօրյա խնդիրներով: Ես գրեթե համոզված եմ, որ  եթե  նկարն   ընկած չլիներ, չխանգարեր անցնելուն երիտասարդը չէր էլ նկատի այն, բայց  մի բանում արդեն վստահ եմ , որ նրան հետաքրքիր են նկարները ,որն էլ գիտակցեց հենց այդ  ժամանակ:

P.S Եղե՛ք ուշադիր , փնտրե՛ք այն , ինչ ձեզ  իրականում  հետաքրքիր  է !!